KHAUFNAAK RAASTA
Mai sirf 13 saal ka tha jab yeh ghatna hui ....Mai mid-september ki chuttiyo me gaon (Village) apni dadi ke pass gya tha aur ek din Mere Uncle aur mai aag jalane ke liye pass ke jangal se lakdi kaat kar vapis aa rahe the , andhera ho raha tha aur dhool bhare raste par hamari jeep 30 kmph ki raftaar se ja rahe thi.
Gaadi ki headlights udti hui dhool ko cheerte hue jaa rahi thi,
tabhi
aisa ehsaas hua ke gaadi ke paas se koi guzra aur uske kuch palo baad hi ek ajeeb si thandak sare sareer me phail gayi.
Iss se pehle ke mai piche mud ke kuch dekh pata , mere uncle chillaye ," MAT DEKHNA ........."
Mai ekdum se ruk gya . mujhe aisa laga mera dil gale se bahar aa jayega jab maine jeep ki window par “thak – thak” ki awaz suni . Mere uncle ne car ki speed badhai aur uchi awaj me god ko prayer karne lage. Thoda aage jane ke baad jeep jhatke khane lagi aur tabhi uncle bole ,”Meri taraf dekho … Piche mat dekhna …. Don’t look behind”….
Gadi ruk chuki thi , Mujhe kuch samjh me nahi aa raha tha ke waha par kya ho raha tha . Mujhe saans lene me mushkil ho rahi thi , mai chillana chahta tha aur mai yeh chahta tha ke yeh sab jaldi khatam ho jaye.
...
...
Ab sadak ke bicho beech gadi ruki hui thi aur aas paas andhera aur ped hi the. Sadak par sirf jeep headlights ki roshni hi thi .Bahar thand thi par gadi ke andar thodi garmahat thi , bahar darawna sannata par us sannate ko tod rahi thi uncle ke muh se nikal rahi prayers, unke haath me ab koi locket tha jo shayad unhone gaadi band hone ke baad nikala tha.
Us sadak par sirf hamari gadi thi kyoki gaon aur jangal ke pass hone kaaran us sadak se mushkil se hi koi guzrta tha. Uncle ki ankhe band thi kyoki who kuch prayer kar rahe the par mai sirf samne dekh raha tha, us sunsaan sadak ki taraf , jaha se mujhe lag raha tha ke abhi kuch anjaan cheej acahanak se ayegi aur sab khatam ho jayega .
Lekin, yeh sab itni jaldi khatam hone wala nahi tha , samay badhne ke sath sath mere dil ki dhadkan badh rahi thi par dusri taraf uncle ke prayer ki awaz
dheemi,
aur dheemi.....
ho rahi thi………
fir ek samay aisa aya jab unki prayers ki awaz sunai dena band ho gayi, ab gadi me bhi thand badh rahi thi , Mujhe waha hum dono ke siwaye kisi aur ki upasathiti (presence) bhi mehsoos ho rahi thi . ab toh aisa lag raha tha ke sab dhundla ho raha tha , mera sarir bhut halka ho gya tha aur dil ki dhadkan puri body me mehsoos ho rahi thi. Aur phir dhire dhire sab gayab sa ho gya ………..
...
...
Jeep sunsaan sadak par chal rahi thi par ab yaha par pehle se kam andhera tha , shayad aas paas ke pedo (trees) ke kam hone kaaran kyoki jangal peeche reh gya tha , gaadi me ab pehle jaisi garmahat thi aur radio me se prayers ki dheemi awaz aa rahi thi jaise koi bhut door se unhe bol raha ho.
Mai apni seat par baitha radio ko ghoor raha tha aur uncle ne mujhe dekh kar bola,”mai tumhari dadi se kahunga ke hamare liye prayer kare taki who dusht (Evil) hamare chehro ko bhool jaye.” Mai kuch nahi bola aur sirf un purani prayers ko sunta raha jo radio par chal rahi thi , jab tak ke hum dadi ke ghar nahi pahunch gaye.
Comments
Post a Comment