अगर सोने जा रहे हो तो इसे मत पढना ( If you're going to sleep then don't read it)

Yaad kijiye jab akhri baar aap ghar me akele the....  Apke parents apko ghar me akela chod kar kahin gaye the. Shaam tak toh aap excited ho kar khushi-khushi chilla rahe the, " Azaaaddiiiii ( freedom ) !!!!! Yeh ghar mera hai aur mai iss ghar ka raja / rani, mai jo chahun woh kar sakta hoon, apni marji ka khaa - pee sakta hoon, late night tak T.V dekh sakta hoon!! 

Par jaise - jaise Raat hone lagti hai aur andhera chaane lagta hai, ek ajeeb si chinta aur darr badhne lagta hai. Ghar se aa rahi choti - choti awaze bhi bhut darawani lagne lagti hai. Aap ghar ki sabhi lighta jala dete hai, darwaze aur khidkiya lock kar dete hai aur apna dhayan bhatkane ke liye T.V ka sahara lete hai. Man me yahi chal raha hota hai ke kaash sabhi ghar me hote. Kabhi - kabhaar lagta hai ke koi ghar me ghusne ki koshish kar raha hai Ya fir....  Pehle se hi maujood hai. Sab kuch bhayanak lagta hai.

Aisa hi hua tha Texas, America me rehne wali ek choti ladki Anna ke sath, jiske parents usey ghar me chod kar kahi bahar gaye the.  Woh thodi khush-kismat thi kyoki woh poori tarah se akeli nahi thi,  uske saath uska kutta bhi tha. Raat hote hote usne apne aap ko busy rakha aur usey kuch khaas dar bhi mehsoos nahi hua kyoki woh dinner wagera bana rahi thi. Dinner karne ke baad usne ghar ki kuch lights band ki aur sone chali gayi.

Adhi raat ko uski neend neeche se aa rahi tip-tip ki awaz se khuli. Woh uth kar kithcen me tap ache se band karne gayi aur wapis apne bedroom me aa gayi. Bed par let kar usne apna haath bed se niche latkaya aur ander ki taraf kiya taki woh apne kutte ka sar palos sake. Usne jaise uske sar par pyar se haath fera toh kutte ne bhi apne malik ka hath pyar se chaata.
Uski garam jeebh se chaatne aur bed par lete hone ki wajah se Anna fir se so gayi.
Halanke (although) tip-tip ki awaz abhi bhi aa rahi thi.

Subah uth kar jab Anna bathroom me gayi toh usne dekha ke bechare kutte ki gardan par rassi ka fanda kassa hua tha aur woh chat se latak raha tha. Uski garadan bhi adhi kati hui thi. Sari farsh (floor) par khoon faila hua tha aur saamne ki deewar par khoon se likha hua tha,  " Sirf kutte hi haath nahi chaat sakte ".....